28/5/12

IV Media Maratón A Coruña 21


Continuando coa crónica semanal de recuperación, direivos que o luns só fixen 30 minutos de abdominais, o martes 30 de natación (1000 m. en 24) e 17 km. O mércores 10 km e 30 de abdominais e 60 de Body Pump. O xoves outros 17 km. Venres e sábado foime imposible saír e o domingo fixen a Media Maratón da Coruña. En total 65 km e 2,30 horas de ximnasio. Imos progresando… mais o nocello non está ben. Nótoo feble e con molestias en frío.

E o domingo 27… volver ao asfalto en competición? Pois non, aínda non estou para competir pero si estou para volver gozar dunha carreira acompañando a Pili. A Keniata de Montrove volveu no asfalto coruñés a unha proba de fondo despois de… moitos meses. Foi toda unha honra que nos deixara, a Julio e a min, acompañala no seu retorno.

A idea que tiñamos os dous acompañantes era ir facendo as tres voltas de que constaba esta media cada vez máis rápido. Para iso tíñamos que saír moi atrás e moi amodo. Pois efectivamente fixemos os dous primeiros quilómetros en dez minutos. Logo, guiados por Julio, fomos aumentando o ritmo ritmo ata poñer unha marcha en torno aos 4.30 minutos ao quilómetro. En varios momentos da terceira volta baixamos de 4.30.  

Cando se acompaña a alguén nunha proba nunca se sabe se tratamos de forzala demasiado, se, ademais de  animala constantemente, provocamos nela unha sensación de rexeitamento polo esforzo solicitado. Esta sensación non é a primeira vez que a teño. Espero que Pili poda perdoarnos o esforzo dos dous últimos quilómetros igual que nós a perdoamos por facernos esperar hora e media porque… no seu retorno e lonxe dos seus mellores tempos, colleu o primeiro premio da súa categoría tal e como se pode comprobar nos RESULTADOS.


Saímos case de últimos e, lentamente, adiantando xente sen parar. Tan só nos tres últimos quilómetros dous irresponsables atrevéronse a adiantarnos. A primeira volta foi, aproximadamente, en 33 minutos, a segunda en 32 e a terceira en 31. Perfecto. Ía dicir, mellor do esperado, pero é que correndo con Pili, sempre se fai o mellor que se espera.

Ao longo da proba, como ía moi cómodo, teño que recoñecer, fun saudando a todos os amigos e amigas do C.A. Sada. Que gran carreira fixeron case todos!!!. Menuda progresión levan. Tan só un par de atletas tiveron problemas físicos que irán amañando nas vindeiras semanas. Sorte para eles.

Como corriamos na casa, como quen di, tivemos un fotógrafo para nós e unha cámara de vídeo… hai que ser pringaos (ou moi amigos) para pasarse dúas horas mirando e acompañando a unhas persoas e pantalón curto… Grazas Ana, Juan e Chema.

Pero creo que teño que facer un parágrafo especial adicado á miña compañeira de quilómetros. Foron moitas as horas nas que trotamos xuntos pero tamén, e desde hai pouco máis dun ano, moitas as horas nas que trotamos separados en solitario. Tras estes meses, a emoción de compartir con ela toda unha media maratón é inmensa.  Podedes ler as súas sensacións no blog daPanadería de Osedo.

Fíxome especial ilusión estar na meta con Isabel e Iago, xa que a Rabudiña non puido acompañarnos…

A proba na Voz de Galicia e na Opinión





20/5/12

Baleirando ou enchendo o depósito?


Pois non sei que estiven facendo esta semana, se baleirando o que quedaba no meu depósito muscular ou, pola contra, iniciando a recuperación.

Vaiamos por partes:
Tras o paseo do domingo anterior, o  luns 14 decidín que non tocaba trotar e marchei ao ximnasio para facer 30´de abdominais e 60´ de pesas (body pum). O martes fixen 1.000 metros de natación (30´)  despois de máis dun ano… e trotei 5 quilómetros (25´) para, logo, estirar ben. O 17, con Pili e Julio fixemos 20 km en 92´ rematando a bo ritmo. As pernas aguantaron ben. A foto do trío é da semana pasada. Tras ver a recuperación, decido con Pili, que faremos a Media Maratón da Coruña sen forzar, a ritmo tranquilo. Será a primeira proba da nosa keniata en moitos, moitos, moito meses e trataremos de que a goce.

 O venres 18, doei sangue (non será posible facelo nos vindeiros meses) a pesar do cal trotei 10 km (45´) e logo 30´ de GAP e outros tantos de abdominais. Acabei esgotado, sen reservas. Ben pola calor, ben pola doazón ou ben porque no depósito xa non hai nada.

O sábado cheguei tirado á casa despois de 59 minutos e 13 km. O domingo decidín facer a ruta dos inicios das temporadas: 18 km que saíron en 1.18´.

Resultados semanais en quilómetros 65 (a semana pasada foran 42) e tres horas de ximnasio.

Non sei se estou a esgotar o fondo que me quedaba da preparación da maratón de abril ou iniciando unha nova tempada. De feito, estou tratando de variar os percorridos dos adestramentos para buscar boas sensacións, de non repetir. Algúns días vou con música e outros non.

E o nocello esquerdo? Pois continúa moi raro. Algúns días non me molesta nada, outros durante os des primeiros minutos do trote e algún mesmo en repouso está a amolar. O piramidal e a fascia lata dereita continúan sen estar en perfecto estado. As pulsacións aínda están moi altas…

13/5/12

Iniciando a recuperación?

Despois de tres semanas parado, o luns 7 amanecín sen molestias no nocello esquerdo polo decidín que o tempo de vaguear tiña que tocar ao seu fin.

Collín de novo as vellas zapatillas (unhas Asics Cumulus 13 con máis de 800 quilómetros), unhas mallas e unha camiseta (aínda lembro onde se gardan no armario) e trotei quince minutos (3 km) logo volvín iniciarme no ximnasio con 30 minutos de abdominais.

Como o nocello aguantara ben, o martes caeron outros 25 minutos (5 km); o mércores xa foron 41 os minutos (9  km) e ademais unha hora de Body Pump no ximnasio. O mércores a tirada chegou ás 55 minutos (12 km), tamén sen molestias pero coas pernas muscularmente moi cargadas. O venres só sain trotar 17 minutos (3 km) para poder estirar ben e logo 30 minutos de abdominais e outros 30 de GAP acompañado pola miña parella de deportistas preferida: Pili e Juan.

O sábado decidín que había que descansar… cando estaba descansando debaixo dunha mesa tratando de amañar algo, fixen un mal movemento co nocello e xa volvín notar molestias para todo o día.

O domingo, xa estou a rematar a crónica semanal, trotei polo paseo do río Mero co triatleta do grupo (non puido competir en Mera pois estaba convalecente dunha caída na bici), coa Keniata de Montrove (cada día máis preto de volver ser a nosa Kenita), acompañados na bici polo Mestre. Foron 55 minutos a bo ritmo (12 km). As pernas aguantaron ben pero tiven algunhas molestias no nocello.  Menuda pandilla de inválidos estamos feitos!!!. Quen nos viu hai 15 meses e quen nos ve agora:
-O Mestre tivo que deixar de correr, só ximnasio, andainas e bici.
-O Triatleta non gaña para sustos ou catarros..
-A Keniata de Montrove continua agardando a estar nunha forma física espectacular para voltar ás carreiras.
-E este Cronista aínda está metido no proceso de recuperar a forma (será posible?)


Valoración semanal: 42 quilómetros; recuperando o tono base no ximnasio; as pernas están ben; o nocello aínda está feble.

6/5/12

Continuo descansando


O sábado 7 de abril  notei as primeiras molestias na parte interna do nocello esquerdo. Aumentaron tras os 20 quilómetros do día seguinte. O 15 tiven que abandonar a no quilómetro 28 na maratón da Coruña. Dous días despois un médico de urxencias diagnosticoume un leve esguince. Eu nunca notara unha torcedura. Tiña molestias ata camiñando. Dez días despois, a miña fisio dime que non é un esguince senón unha inflamación dos ligamentos por sobre-esforzo. Quítalle importancia. Pero continúa con molestias. 

 O pasado 30 de abril (quince días despois da maratón) visito ao traumatólogo e corredor Gonzalo Couceiro (fixo 3.26 na maratón da Coruña) Coincide no diagnóstico de inflamación dos ligamentos. Máis antiinflamatorios. O sábado  5 probo o nocello durante dez minutos e hai molestias ao apoiar. Novo intento no domingo 6 e as molestias non me abandonan.

O nocello está moito mellor ca hai un mes pero aínda non está ben.

2/5/12

Porto: corrida pela Selecçao


A Runporto.com tem o prazer de poder anunciar que será a entidade responsável, a 2 de Junho, pela organização técnica de uma Corrida pela Selecção, iniciativa do Banco Espírito Santo em conjunto com importantes edilidades portuguesas que visa mobilizar as pessoas para o apoio à participação da selecção de futebol de Portugal no próximo campeonato europeu que em Junho terá lugar na Polónia e Ucrânia.
Serão três as edições da Corridas pela Selecção, e todas terão lugar no mesmo dia e à mesma hora, para suscitar esse movimento global de adesão e apoio à equipa de todos nós. O dia escolhido foi o de 2 de Junho, pelas 10 horas da manhã, e para além da Corrida do Porto, aquela que contará com a colaboração experiente da Runporto, as outras realizar-se-ão em Oeiras, portanto na região de Lisboa, e em Faro, mobilizando assim os maiores terços do País, a Norte, a Centro-Sul e a Sul.


Na Invicta a Corrida terá 8 km de extensão, com partida na Avenida dos Aliados e finalização no Jardim do Passeio Alegre. As inscrições já estão abertas, e decorrerão até 25 de Maio, podendo apenas ser efectivadas através do site da organização na internet www.corridapelaseleccao.com.
Cada inscrição custa 5 euros, indo o montante global apurado ao longo do País reverter para a Associação Novo Futuro, entidade de solidariedade social que visa encontrar novos lares familiares para crianças e jovens em risco.


 Cada inscrito terá direito a um kit de participação constituído por uma bonita t-shirt da selecção nacional e uma braçadeira. Dado que o limite de participação no Porto é de 10 mil pessoas, valerá a pena decidir rapidamente pela participação no evento, pois que para além do apoio público à selecção - que se consubstancia também na ajuda à Novo Futuro - o prémio para os primeiros classificados em cada sexo valerá uma viagem à Ucrânia mais o bilhete para assistir ao jogo Portugal-Holanda, o último jogo da fase de grupos da selecção no Euro 2012.


Mais informações em:
www.runporto.comhttp://www.runporto.com/
www.corridapelaseleccao.com